سینے میں دھڑکتا دل بیتاب تو ہے نا

زندہ ابھی مجھ میں مرا اک خواب تو ہے نا

سرسبز تو ہے غم ترا، شاداب تو ہے نا

اشکوں سے سہی فصل یہ سیراب تو ہے نا

لے جائے گی اک روز کوئ موج جنوں خیز

امکان ابھی یہ پس سیلاب تو ہے نا

سر کاٹ کے قاتل مرا بےچین بہت ہے

میں خوش ہوں لہو میرا ظفریاب تو ہے نا

گہرائ میں اتریں چلو دریا کو کھنگالیں

اک راہ سر زینہء گرداب تو ہے نا

سینے میں دھڑکتا دل بیتاب تو ہے نا

(اسلم محمود )

Next : جو تو نہیں تو یہ دل بھی بے ماجرا رہے گا